Les Orris Rouge 2018/2020

美人(老闆娘)的好拍檔 T 先生，made in HK 的半個法國人，操流利廣東話及法文，不過佢唔識睇中文所以我其實寫咩佢都唔會睇得明 ，正職做律師，興趣是飲紅酒，早幾年專登進修紅酒，而家讀緊最高級別level 4（係我知道係好屈機嘅）

T 每年都會到法國探親，又可名正言順親自到法國揀酒，雖然呢幾年大家都去唔到旅行，但佢上年八月仍然係好任性咁樣去咗嘅

當年睇住佢一路飲一路send過嚟嘅相真係想打x佢

揀酒嘅過程係非常嚴謹，首先T 先生會親自喺網上面搵晒所有資料同埋評語，由於本身佢識法文同埋佢個名係法文，喺聯絡一啲隱世名莊嘅時候就非常有優勢，然後親身到法國酒莊認識莊主，睇吓佢個酒莊規模、衛生、理念、可持續性、價錢是否公道、莊主是否貪錢怪、好唔好人等等，最後先至係試飲

所有嘢OK之後就帶返黎香港，再要經美人的貴族舌頭試過之後，先至會double approved

由於T 先生有著同美人一樣嘅態度（就算你識幾多嘢都好，紅酒係冇得估既，一定要親身飲過先知道咩味同質素好唔好），現凡經T 先生同美人approved的紅白酒，都是非常有信心嘅保證

另外就係因為法國酒莊直到花前月下，途中冇經過其他代理，所以價錢係最好，蔗渣價錢，燒鵝髀級數

直接講味道：

車厘子、紅莓、少量黑莓、朱古力、木味、少量皮革、thyme 香草、薄荷

Body 適中，絕對不薄身

整體係dry ，但係車厘子果香十足，所以仍然係非常易入口嘅種類

所以我點解上一條片話如果揀唔到就直接買呢支搞掂，任何場合都一定OK啊