High West Campfire Whiskey

似唔似西部牛仔啲戲裏便嘅道具？ 我一睇，wa ，West World (西部世界）裏面Maeve 梅夫人間妓院/酒館 咪飲呢啲㗎囉 ，作為一個戲迷，我的確係會成日將現實世界裏面好多嘢聯想到同啲電影/劇有關，人生如戲啊，事事+1點想像力同幽默感，人生容易過好多啊

啱呀，的確High West 呢個牌子真係位於美國西部Utah 猶他州，歷史唔係好耐，2006年，創辦人David 同妻子於一次 Business Trip 中，參觀了美國嘅波本四大天王之一～ Maker’s Mark Distillery ，內心嗰種洶湧澎湃嘅創業心就激發左出嚟，只係用咗10年時間，就攞到 Whisky Advocate的 Distiller of the Year

至於波本威士忌係咩呢？非常簡短地介紹就係美國威士忌，原材料主要係玉米，只能使用全新但經過烤桶處理的橡木桶陳年，講住咁多先。

波本威士忌嘅味道比起蘇格蘭威士忌嘅味道，最大分別係甜身d，厚身啲，帶焦糖、雲呢拿、餅乾、尾段辛辣。

波本威士忌喺威士忌界別裏面係非常重要，最著名嘅經典調酒Old Fashioned 就指定一定要用波本，如果個調酒師唔係落波本俾你，佢好歹有限

上面提到個味道，波本威士忌嘅甜，有啲牌子唔係人咁品，真係可以好甜嘅，而我揀得嘅當然係睇質素多過名氣，High West 正！最平嗰支都好好飲，classic bourbon 得來，味道好有層次，唔會過甜，elegance ，after taste 都好長，仲要蔗渣價錢，燒鵝髀咁嘅享受，各位想試吓波本威士忌入門，不妨入手，不過驚你飲完佢之後，飲唔番其他牌子

呢支有枝Camfire ，係煙燻泥煤味嘅，就係營火會咁嘅味啦，鍾意Peaty 的朋友，不要錯過