Domaine Duseigneur Chateauneuf du Pape "Le Songe De Catherine" 2019

其實大家睇到個標題我都唔需要介紹太多，喺Robert Parker嘅私人珍藏中，好大部份都係來自教皇新堡，咁點解呢個地區嘅酒咁得佢老人家歡心呢？

教皇新堡顧名思義就係｢教皇嘅新城堡｣，喺14世紀，愛好葡萄酒嘅羅馬教皇嚟到羅納河谷，開始釀酒同宣揚葡萄酒文化，而自此呢度出品嘅酒就被稱為｢教皇御用葡萄酒｣。叫得呢個稱號，就知有幾威啦。

味道方面，Parker認為偉大嘅葡萄酒必須選用成熟嘅果實釀造，否則就只有唔成熟嘅單寧、香氣同埋高酸度。另外偉大葡萄酒一家要果香濃郁，否則陳年後就唔會有足夠嘅複雜度。教皇新堡嘅酒，就滿足晒以上條件，成熟飽滿，並帶有櫻桃、草莓、黑加倫子等紅黑水果香氣。