Abbaye De Valmagne Rose Nicolay 2019

又係同大家介紹旅遊景點/法國南部嘅時候了！相信大家都好清楚我係好鍾意法國南部嘅wine ! 因為性價比實在太高了！而且口味好啱香港人飲

講吓威水史先：1241年，英國同法國簽咗一條叫做波爾多優惠條款（Bordeaux Privilege)，顧名思義呢，喺呢個條款底下法國只賣波爾多嘅葡萄酒比英國，當波爾多產量不足嘅時候呢，佢哋就會買法國南部嘅酒，特別係以下會講嘅呢一個產區：Languedoc Roussillon ，此條款直至1776年先至廢除。

Languedoc Roussillon 碩果僅存兩座11世紀修建嘅修道院，11世紀喎，八百幾年之前喎，我哋嘅法國型男Thomas 就係去咗其中一間，轉頭你睇睇右邊d相，嗰種宏偉、歷史感，任何人去到都會俾佢迷倒，就係咁，就展開左我哋推廣南法酒之旅啦

講返個修道院，Abbaye De Valmagne，由於擁有兩款唔同嘅土地嘅優勢，12世紀已經開始釀酒，好受教皇歡迎，經歷咗百幾年嘅風波，1838年終於去到一個勁人手上：Henri De Turenne ，佢係拿破崙嘅手下，冇錯就係嗰個拿破崙，由佢經營開始就冇轉過手，到而家已經係第五代啦，佢哋仲有個家族徽章，大家可以喺酒瓶見到，我都想有個家族徽章，型到震 ！可惜我唔係什麼人的後代

其實成個酒莊有一系列嘅紅白酒同埋Rosé，枝白酒上個星期俾你哋買斷左，亦由於全新暑假，投奔初夏嘅關係，我講咗枝Rosé先！

依家先入正題，頭先講到佢哋個家族有兩塊唔同土壤嘅田，枝Rosé 係靚啲嗰塊田，價錢屬於中等，簡單啲來講，好好飲

Abbaye Rosé Nikolay

顏色非常靚，三文魚粉紅色，血橙、紅莓果香，fruity 但唔甜，尾段有少少香草，after taste 長，飲完成個口都係花香味 適合夏天任何時候飲用